1 Abami 7:13

7:12 Urugo runini rwari rugoswe n’inkike z’amabuye abajwe yubatswe impushya eshatu, hejuru yayo hageretseho uruhushya rw’ibiti by’imyerezi nk’uko bagenje urugo rw’ingombe rw’inzu y’Uwiteka, n’ibaraza ry’iyo nzu ni ko ryari ryubatswe.

7:13 Bukeye Salomo atumira Huramu i Tiro.

7:14 Huramu uwo yari umwana w’umupfakazi wo mu muryango wa Nafutali, ariko se yari uw’i Tiro. Yari umucuzi w’imiringa w’umuhanga ujijutse, umunyabukorikori mu mirimo y’imiringa yose. Nuko yitaba umwami Salomo, amukorera imirimo yose yashakaga.