Yeremiya 36:11

36:10 Baruki aherako asoma mu gitabo amagambo ya Yeremiya ari mu nzu y’Uwiteka, mu cyumba cya Gemariya mwene Shafani w’umwanditsi mu nkike yo haruguru, mu irebe ry’umuryango mushya w’inzu y’Uwiteka, ayasomera imbere ya rubanda rwose.

36:11 Nuko Mikaya mwene Gemariya mwene Shafani, yumvise amagambo y’Uwiteka yose yanditse mu gitabo,

36:12 aherako aramanuka ajya mu ngoro y’umwami mu cyumba cy’umwanditsi, asanga ibikomangoma byose ari ho byicaye, Elishama w’umwanditsi na Delaya mwene Shemaya, na Elunatani mwene Akibori na Gemariya mwene Shafani, na Sedekiya mwene Hananiya n’ibikomangoma byose,