Yoweli 2:1

2:1 Nimuvugirize impanda i Siyoni, muvugirize induru ku musozi wanjye wera, abatuye mu gihugu bose bahinde umushyitsi kuko umunsi w’Uwiteka uje, ugeze hafi

2:2 umunsi w’umwijima w’icuraburindi, umunsi w’ibicu bya rukokoma n’ibihu. Uko umuseke utambikira mu mpinga z’imisozi, ni ko ubwoko bukomeye kandi bufite imbaraga bwadutse. Nta bwigeze kuboneka bumeze nka bwo, kandi hanyuma yabwo nta buzaboneka, ndetse no kugeza mu bihe byinshi bizakurikiraho.